اودلی سوزلر يانار اؤرکده

     

دؤغورداندا الی بوشلوق چتنيميش ، يوخسوللوق حياتلاری کدرلنديره ر، يار يولداشی بير بيريندن آيری سالار، دئيره م کی اونلاری که سنی وارليقدان اؤتری سئويللر و کپنک تکين دوره نده دولانيلار نه فايداسی واردير، اونلار سنيلن دئيللر، نه سنی تانيلار نه ده مراميندان خبرللری واردير ، بس در حقيقت تک قوقی قاليبسان ، اوزامانجان کی نفسون ايستی يئردن گلير، ثروتين مالين واردير، دؤره ن هميشه دولودير ، هرکس بير جوره سی سنه حورت ايليرآمما او حرومت واقعيتدن اوزاقدير، اگر بيرگونلريمه واريوخون الدن چيخا ، گورجکسن او دؤستلارين ، شيرين شيرين صحبتچيلرين هره سی بيردرده گيزلنيبلر، سن داهی اونلارا اوولکی آدام دئيلسن ، اصلا حساببا سالمازلار و تانشليق  وئرمزلر ، دنيانين ائيشی بوجوردی و آخراجان بوجوردا اولاجاق ،نيه گره ک اؤزگلردن اؤتوری اؤزيميزی درد سره سالاق ، مال ثروت يئغماقدان خاطرظلم ايليک و حلال و حرام بئل ميک البته خلقه خدمت ايلمک چؤخ ياخشی بير ايشدير آمما هاکی يولينان ، نه جوره سی، اگر بئزيم هدفيميز بو موردا شهرت بازليق اؤلسا بهتر دير بو عملدن اوزاقلاشاق

گؤلومـــو شاختا ووردو

نـــه يامان واختا ووردو

ياريم منــی وورموشدو

اوستوندن خالق دا وردو

گؤلوم گؤلـی نئيله ره م

گؤلـه  قولوق  ائيله ره م

منـــه اؤز گلوم گره ک

اؤز گه گؤلو نئی له ره م

عزيزيم ناشی  داغـلار

آغارديب  باشی داغلار

سوراق ساليب آختارير

ياری يولداشـی داغلار

عزيزيم واغام  اولـدو

گؤللـريم  واغام اولدو

ائوين  يئخلسين فلک

نوکريم آغام اولــدو

عزيزيم  قازانــی ياز

آغ اؤسته قارانـی ياز

هـــردفترين باشينا

من باختی  قارانی ياز

عــزيزيم اوزم قارا

باغيمـدا اوزوم قارا

يار يانينا گئديره م

اليم بوش اوزم قارا

/ 0 نظر / 11 بازدید