مثل لـــــــر

اودلی سوزلر يانار اورکده

 

آدام گره ک يا مکتب خانادان چيخا ، يا ديوان خانادان

آدام مين آجينی اودار بير شيرينين خاطرينه

آخارسويون کونول آچماقين  گوره لی ، باشيم قوروماز

آدام وارکی قال ايلن قول تا پار ، آدام وارکی آقچا ايلن پول تاپار

آدام يئکه لديکجه معرفتلی اولور

عشق اودينان يانماق انسانلارين آرزلاريندان بيرسی دير، او انسانلاری که ياشايش فلسفه سينين مفهومين درک ايليللر اونلارا عاشق اولماق و عشق کول گه سينده ياشاماق بالدان دا شيريندير، بو ائولکه چوخ گؤزه ل بير اولکه دير هرنه لذت آختارسان بو گنيش ميداندا تاپاجاقسان ، بو ايشين اولی چؤخ چتين دير ، زمانی که انسان بو يولا قودم قويورسرگردان و حيران قالير، زمان گئچديکجن  قدم به قدم قاباغا گئدير، پله پله آيری بير دنيايه اؤزگتيرير، تازه دنياسی تازه گوروشی دولودير خاص بير گؤزه ليک لرينن ، اگر ايسته سک شيرين ليک لره ال تا پاق لازمدير کی بير پارا زحمتلره دؤشک ، و طغيان ايلين قوه لرينی اؤزيميزده نابود ائده ک چونکی بو نيرو لار بيزيم يولميزين قاباغيندا چوخلی مانع لر ياراديل لار، غم توز توپراغينی اؤزيميزه قوندورولار، عشقينن غم بيربيرينن جور گلن دئيللر، عاشق گره ک شاد ياشايا تا معشوقينه چاتا ، معشوقون توقون اورکللردن خوشی گلمز.

مـــن عاشيق ياز گونده ر

پاييز گـونده ر ياز گونده ر

باغــــــــدا کاغاز اولماسا

ياپراق اوسته ياز گونده ر

عـــــــزيزيم  بادامچيلار

بار وئرمــــز بادامچيلار

ديلين بير شاهمار ايلان

قاييدار آدام چـــــــــالار

عـــــزيزيم ياغيش اولار

نـــــم دوشر ياغيش اولار

سونسوزون ايشی گؤجی

فلکـــــــــه قاغيش اولار

عاشيق جفا نـــه بيلير

سيرصفا نــــــــه بيلير

سن کی وفالی يارسان

اغيار وفا نــــــه بيلير

بوباغدا آجی باغــــلار

ميوه سی آجی باغــلار

آغريسا قارداش باشی

يئنه ده باجـــــی باغلار

عزيزيم آسان داغــــلار

قار باشين باسان داغلار

يئتيم  چوخ چتين گوله ر

آغلاسا آسان  آغـــــلار

/ 0 نظر / 13 بازدید