اودلی سوزلر يانار اورکده

مثل لــــر

 

قالميشوق اودينان سوون آراسيندا اگر استی ريک بير ايشين حل اولماسيننا صادقانه قدم گوتوره ک مين جوره مانع لرينن مواجه اولوروق ، بيرعده فکری قصا لار و منفعت طلب لر مختلف حيله لرينن ميدانا گئری لر تمام مثبت نقشه لريميزی سو ايليللر ، بونو تصور ائديلرکی اگر صداقت و دوزليق يئر اوزينده حاکميت تاپسا اونلار صحنه دن حذف اولمالی ديلار درحالی که بوجورسينا دئيل ، اگر قانون اوز يئرينه گئده و هر ايشی ميز مطابق قانون انجام تاپا هيچ کس سينسی مز ، بير بئله دالی قالماغيميزين و چتين ليک چکمه گيميزين ريشه سی قانونا عمل ايلمه مک ده دی  اگر دوزگون قانون لار تصويب اولا و صداقتيلن جامعه ميزده پياده اولا ، تمام انسانلارسالم و آرامش ده ياشياجاقلار ، عوضين ده  بير عده شيطان صفتلرين و ظالم لرين منافع خطره دوشه جک ، البته بونون معناسی بو دئيل کی اونلار زندگانليق دان محروم اولاجاقلار ، بلکه اونلاريندا حقی وار دير همانند مردم اوز حياتلارينا عالی ترين وجه ده ادامه وئر سينلر ، آمما قانونی اولکه ده  اضافه ايستمک لردن و اوزگلرين حقينی پايمال ائدمگ لردن خبر يوخدور، گره کده بئله اولا.

آجين آندی ، آند اولماز

آجا ميت حلال دير

آجی دينديرمه ، توخی ترپتمه

آجين ايمانی اولماز

آجيندان قوروت قاپير

گلـو درديـم بو داغينان

سلانيب گو ل بو داغينان

سنه ياخشــی دئمزلــر

مـن اولسم  بـو داغينان

هـالالار  آی هالالار

داغدا لاچين بالالار

آنا بالاسين وئرمـز

بلکــه زورلا آلالار

هارای ناشی الينده ن

آتماز داشی  الينده ن

ياستيق شکايت ايئلر

گوزوم ياشی الينده ن

خسته منـم خسته من

باغچادا  گول دسته من

سن ائيله بير چيچکسن

هـرگوره نده مستم من

جئيرانلار  قـوشا گئده ر

گوزلـه  اوخ بوشا گئده ر

يار ايــــلقارا دوزاولسا

عومورگون خوش گئده ر

شامامالارسارالــــدی

تاغدان دوشدو قارالدی

هامينـی  درد اولدوردو

منيم جانيمی  يارآلدی

شام يانير ياغـــدا اريير

قار ياغير داغـــدا ار يير

من دوشن درده دوشسه

مــوم اولور داغ دا ار يير

هـــردرده دوزه ن منم

عهديــم وار  بزه ن منم

گوز ياشلی اوره ک غملی

سرگـــردان گزه ن منم

/ 0 نظر / 18 بازدید